ඩාර්ලි පාරේ ශ්‍රීලනිප මූලස්ථානයේ පැවති ප්‍රවෘත්ති සාකච්ඡාවකදී සම්මේලනයේ සභාපති කේ.ඩී අල්විස් මහතා කියා සිටියේ පොදු අපේක්ෂක සිරිසේන මහතා නූල් බෝලයේ පැටලුණ පූස් පැටියෙක් බවට අද පත්වි ඇති බවය. ජාතික හෙළ උරුමයෙන් කොළඹ නගර සභාවට තරඟ කල එම සංගමයේ ප්‍රධාන ලේකම් රෝහණ පෙරේරා මහතා ප්‍රකාශ කළේ චම්පික රණවක මහතාගේ උසේ හැටියට මොලේ නැති බවය.

ශ්‍රී ලංකාවේ ත්‍රීරෝද රථ රියදුරන්ගේ සංඛ්‍යාව 512,000ක් වන අතර අමතර කොටස් සහ සේවා සපයන්නන්ගේ සංඛ්‍යාව 92,096ක්ද ත්‍රීරෝද රථයන්ට අනිකුත් සේවා සපයන සේවක සංඛ්‍යාව 3,690කි. ත්‍රීරෝද රථ කර්මාන්තයේ සෘජු රැකියා නියුක්ත පිරිස 595,706ක් බව එහිදී පෙන්වා දුන් ජාතික ඒකාබද්ධ ත්‍රීරෝද රථ රියදුරන්ගේ සහ කර්මාන්තකරුවන්ගේ සම්මේලනයේ ජාතික සංවිධායක ඩබ්ලිව් සේනාරත්න මහතා පවසා සිටියේ ත්‍රීරෝද රථ කර්මාන්තයෙන් යැපෙන සංඛ්‍යාව ලක්ෂ 25කට ආසන්න බවය.