විශේෂයෙන්ම ඡන්ද පොළ හා ඡන්ද ගනන කරන මධ්‍යස්ථාන නියෝජිතයන් හා ඔවුන් සමඟ කටයුතු කරන විශේෂ කණ්ඩායමක් ඡන්ද පොළ ආරක්ෂා කිරීමට යොදවා ඇති බවත් ඊට අමතරව මීට පෙර කිසිදු මැතිවරණයකදී යොදා නොගත් විශේෂ තාක්ෂණික උපක්‍රම කිහිපයක් මෙවර ඡන්ද පෙට්ටි මාරු කිරීම වලක්වා ගැනීම සඳහා යොදාගෙන ඇති බවත් ඔහු පැවැසීය.
එමෙන්ම මෙවර අවසන් ප්‍රතිඵළය නිකුත් කිරීමේ පරිඝණක කටයුතු සිදු කිරීම ප්‍රවෘත්ති දෙපාර්තමේන්තුවෙන් ඉවත් කර ඒ තමන් යටතට ගැනිමට මැතිවරණ කොමසාරිස්වරයා තීන්දු කිරීම නිසා වෙනදා කළ පරිඝණක අකටයුතුකම් මෙවර සිදු කිරීමට නොහැකි වනු ඇති බවත් ඔහු පෙන්වා දෙයි.
එම නිසා ඡන්දදායකයන් 'රාජපක්ෂවරු කොහොම හරි දිනනවා' යන මානසිකත්වයෙන් යුතුව සිටීම තේරුමක් නැති බවත් තමන්ගේ පරම අයිතිය ආරක්ෂා කරගෙන 08 වෙනිදාට උදයෙන්ම ගොස් ඒ අයිතිය රටේ යහපත පිණිස යොදා ගන්නා ලෙසද ඔහු සියළු ඡන්ද දායකයන්ගෙන් ඉල්ලීමක් ද කරයි.
