අයහපත් කාළගුණ තත්වය හේතුවෙන් මිනිසුන් පීඩාවට පත්ව ඇති බැවින් ජනවාරි 08 වැනිදා පැවැත්වීමට නියමිත ජනාධිපතිවරණය කල් දමන්නැයි දේශපාලන පක්ෂ කිහිපයක් මැතිවරණ කොමසාරිස්වරයාගෙන් ඉල්ලා තිබුණි.
මැතිවරණය කල්දමනවාද නැද්ද පිළිබඳ ජනවාරි 04 වැනිදා නිවේදනය කරන බවට පසුගියදා අදහස් පළවී තිබුණද එය ලබන ජනවාරි 08 වැනිදා නියමිත පරිදි පැවැත්වෙන බව මැතිවරණ කොමසාරිස් මහින්ද දේශප‍්‍රිය මහතා පවසයි.
කෙසේ වෙතත් මැතිවරණ කාර්යාල අභ්‍යන්තර ආරංචි මාර්ග පෙන්වා දෙන්නේ් මැතිවරණය එළැඹෙන 08 වැනිදාම පවත්වන ලෙස මැතිවරණ කොමසාරිස්වරයාට බලපෑම් එල්ල වී ඇති බවයි.
එමෙන්ම ජනවාරි 08 වන දිනය ජනාධිපතිවරණය සඳහා යොදා ගනු ලැබුවේ ජනාධිපතිවරයාගේ කේන්දරය අනුව ඉදිරි වසර දෙක තුළ වන එකම සුභ දිනය ජනවාරි 08 වෙනි දිනට යේදී තිබීමෙන් බවට මාධ්‍ය වාර්තා පලවී තිබිණි.
