ජගත් සංවිධානයේ 69 වැනි මහ සමුළුව සඳහා පස්වැනි කමිටුවේ උප සභාපති ධුරයට ඇය පත්කර ඇත්තේ ඒකමතිකවය. ඒ අනුව රඹුක්වැල්ල මෙනෙවිය ආසියා ශාන්තිකර කණ්ඩායම නියෝජනය කරයි. එක්සත් ජාතීන්ගේ 69 වැනි සැසිවාරයේ සියලුම පරිපාලන හා අයවැය සම්බන්ධ කටයුතුවල දී උපදෙස් දීම සිදු කෙරෙන්නේ පස්වැනි කමිටුව මඟිනි.
එම කමිටුවේ උප සභාපති ධුරය වැනි ඉහළ තනතුරකට රඹුක්වැල්ල මෙනෙවිය පත්වීම විශේෂත්වයකි. මීට පෙර ශ්‍රී ලාංකිකයකු මෙම තනතුර දරා ඇත්තේ 1958 දීය. ඒ සර් ක්ලෝඩ් කොරෙයා මහතාය. එදා සිට මේ දක්වා මෙම තනතුරට කිසිදු ශ්‍රී ලාංකිකයකු පත්ව නොමැත.
චමිත්‍රි රඹුක්වැල්ල මෙනෙවිය පසුගිය සැසිවාරයේදී ද විශේෂ තනතුරක් දරමින් ශ්‍රී ලංකාවට කීර්තියක් අත්කර දුන්නාය. කොළඹ කාන්තා විද්‍යාලයේ ආදි ශිෂ්‍යාවක වන චමිත්‍රි රඹුක්වැල්ල මෙනෙවිය ඇමැති කෙහෙළිය රඹුක්වැල්ල මහතාගේ දියණියයි.
(දිනමිණ)
