කොළඹ වරායට චීන සබ්මැරීන යාත‍්‍රා පැමිණීම පිළිබඳව ඉන්දියාවේ ඇතැම් පාර්ශවයන්ට මතුවූ ගැටළුවලට පිළිතුරු ලෙස ඇය ඒ බව සඳහන් කර ඇත. ඒ සම්බන්ධයෙන් ලක් රජයෙන් විමසීමක් කළ අතර, චීන සබ්මැරීන යාත‍්‍රා පැමිණියේ සුහද විවේක චාරිකාවකට බව එහිදී ශ්රී ලංකාව දැනුම් දුන්නේ යැයි ඉන්දීය විදේශ කටයුතු ඇමතිනිය අවධාරණය කළාය.
එමෙන්ම ඉන්දියාවේ ආරක්ෂාවට බලපාන, ඊට එරෙහි පියවර කිසිවක් නොගන්නා බවට ශ්රී ලංකාව සහතික වී යැයි ඇය සඳහන් කළේ ලෝක් සභාවට ඉදිරිපත්වූ ලිඛිත ප‍්‍රශ්නයකට පිළිතුරු ලෙසය. ශ්රී ලංකාව සමග බහුවිධ අංශ ඔස්සේ ශක්තිමත් සමීප සබඳතාවක් ඉන්දියාව ගොඩනගාගෙන ඇති බවද සුෂ්මා ස්වරාජ් වැඩිදුරටත් සඳහන් කළාය. ආරක්ෂක සහ හමුදා සබඳතාද ඊට අයත්වන බව ඇය කියා සිටියාය.
