ශ‍්‍රී ලංකා නීතීඥ සංගමය සහ නිරීක්ෂණ සංවිධාන අතර ඊයේ මේ සම්බන්ධව සාකච්ඡාවක් පැවත්වුණි.එහිදී මෙම තීරණයට එළඹුණේ ශ‍්‍රී ලංකා නීතීඥ සංගමය ඊට නීති ආධාර සපයන බවට පොරොන්දුවීමත් සමගය. සිවිල් සංවිධාන සහ වෘත්තීය සමිති රැසක නියෝජිතයින් ද මෙම සාකච්ඡුාවට සහභාගී වී සිටියේය.
ජනාධිපතිවරණය ප‍්‍රකාශයට පත් කළද නාම යෝජනා ලබා දීමටත් පෙර මාධ්‍ය වාරණය බරපතල ලෙස නිර්මාණය වෙමින් තිබෙන බවද කැෆේ සංවිධානය පැවසුවේය. එහි විධායක අධ්‍යක්ෂ කීර්ති තෙන්නකෝන් මහතා ප‍්‍රකාශ කරන්නේ සාධාරණ ඡන්ද විමසීමක් සඳහා මෙය මහත් බාධකයක් වනු ඇති බවය. ප‍්‍රචණ්ඩ කි‍්‍රයා සම්බන්ධයෙන් ද අවධානය යොමු කරමින් මේ දක්වා කාලය තුළ වෙඩි තැබීමේ සිද්ධීන් කිහිපයක් වාර්තා වී ඇති බව කීර්ති තෙන්නකෝන් මහතා ප‍්‍රකාශ කරයි. එම වෙඩි තැබීමේ සිද්ධීන් වාර්තා වී ඇත්තේ. මග්ගොන, මාදම්පේ, මාදම්පේ මැදගම සහ හාරිස්පත්තුව යන ප‍්‍රදේශවලින්ය.
