පෙරවරුවේ කොළඹදී පැවැත්වෙන විශේෂ මාධ්‍ය හමුවකදී මෙය ප‍්‍රකාශයට පත් කරන බව ජාතික හෙළ උරුමය සදහන් කරයි. ජාතික හෙළ උරුමය සඳහන්නේ ඔවුන් විසින් පසුගියදා ආණ්ඩුව වෙත ඉදිරිපත් කළ ප‍්‍රතිපත්තිමය යෝජනාවලිය සම්බන්ධව හිමිවු ප‍්‍රතිචාරයන් පිළිබඳව ඊයේ ජාතික හෙළ උරුමයේ මධ්‍යම කාරක සභාව තුළ සාකච්ඡා කර අවසන් තීරණයකට එළැඹෙන බවය. එම සාකච්ඡුාව පැය 5 කට ආසන්න කාලයක් පැවැති බව පක්ෂ ආරංචි මාර්ග අනාවරණ කළේය.
කෙසේ වෙතත් ආණ්ඩුවෙන් ඉවත් වී ස්වාධින මන්ත‍්‍රිවරයෙකු ලෙස තමන් කටයුතු කරන බව ජාතික හෙළ උරුමයේ සභාපති, පාර්ලිමේන්තු මන්ත‍්‍රි පුජ්‍ය අතුරලියේ රතන හිමියන් ඊයේ සඳහන් කළ අතර මෙතෙක් දැරු දිවුලපිටිය සංවර්ධන කමිටු සභාපති ධුරයෙන්ද ඉල්ලා අස්වු උන්වහන්සේ ආර්ථික සංවර්ධන අමාත්‍යංශය විසින් තමන් වෙත ලබා දුන් නිල රථයද යලි භාර දීමටයි පියවර ගත්තේය.
ඊයේ පැවති විශේෂ මධ්‍යම කාරක සභා රැස්වීමේදී රටට හිතකර තීන්දුවක් ගත් බවත් එය අද දිනයේදී නිල වශයෙන් ප‍්‍රකාශයට පත් කරන බවත් ජාතික හෙළ උරුමය වැඩිදුරටත් සඳහන් කළේය.
