මෙලෙස රක්ෂිත බන්ධනාගාරගත කරනු ලැබුවේ නො: 120/1 අරලිය ගාඩ්න්ස්, පිටකෝට්ටේ පදිංචි දේවගේ නිරාල් රන්දික සිරිවර්ධන නමැති අමාත්‍යවරයකුගේ සම්බන්ධීකරණ ලේකම්වරයෙකි.
මෙම සිද්ධියට අදාළව මිරිහාන විශේෂ අපරාධ විමර්ශන ඒකකයේ ස්ථානාධිපති උ.පො.ප. කේ.එම්.ඩී. බණ්ඩාර මහතා වෙත පැමිණිල්ලක් ගොනුකර තිබුණේ නො. 08, කොටුබැම්ම පාර, ඇතුල්කොට්ටේ පදිංචි මෝහන්දාස් අජිත විජේතුංග නමැති රාජ්‍ය ආරක්ෂක අංශ සඳහා නිල ඇඳුම් සපයන ව්‍යාපාරිකයකු විසින් ඉකුත් සැප්තැම්බර් මස 11 වැනිදාය.
මෙම සැකකරු ඊයේ (01) අධිකරණය වෙත නීතිඥ නෙවිල් අබේරත්න මහතා සමගින් පෙනීසිටි අවස්ථාවේ මිරිහාන විශේෂ අපරාධ විමර්ශන ඒකකය මගින් ඉදිරිපත් කළ වැඩිදුර වාර්තාව සලකා බැලූ අධිකරණය සැකකරු රක්ෂිත බන්ධනාගාරගත කිරීමට එලෙස නියෝග නිකුත් කළේය.
සාක්ෂිකරුවන්ට බලපෑම් එල්ලකිරීම, පරීක්ෂණ කටයුතු මගහැරීම, පෙර හැසිරීම් ආදී සියලු කරුණු සැලකිල්ලට ගනිමින් මහෙස්ත්‍රාත්වරිය එලෙස ඇප ඉල්ලීම ප්‍රතික්‍ෂේප කළාය.
තවද වලාන දූෂණ මර්දන අංශයේ ස්ථානාධිපතිවරයාට ලබාදීමට යැයි පවසා මුදල් රුපියල් ලක්ෂ 100ක් ඉල්ලා ඉන් රුපියල් ලක්ෂ 10ක මුදලක් ලබාගැනීමේ දී කොළඹ අපරාධ කොට්ඨාසය මගින් මෙම සැකකරු අත්අඩංගුවට ගැනීමෙන් පසු එම නඩුවට අදාළව නුගේගොඩ මහෙස්ත්‍රාත් අධිකරණයේ නඩු පැවරීමෙන් පසු ඇප මත සිටිය දී තවදුරටත් එවැනිම වැරදි සිදුකරන ලද අයකු බවට වැඩිදුර වාර්තාවක් මගින් මෙහි දී පොලිසිය තවදුරටත් අධිකරණයට කරුණු ඉදිරිපත් කර තිබේ.
