එමගින් සේතු සමුද්‍රම් ව්‍යාපෘතිය යටතේ පෝක් සමුද්‍රසන්ධිය හරහා දෙරට අතර ඉදිකෙරෙන නාවුක ඇළ මාර්ගයේ පවතින විෂමතා මඟහරවා ගැනීමට හැකිවනු ඇති බව වාර්තා වේ.
රාම්සේතු මුහුදු ප්‍රදේශය විනාශ නොවන පරිදි ඉදිකිරීමට නියමිත නව මුහුදු මාර්ගය සඳහා ඉදිරියේ දී එරට කැබිනට් මණ්ඩලයේ අනුමැතිය හිමිවනු ඇති බව ඉන්දීය මාධ්‍ය වාර්තා පෙන්වා දෙයි.
එමගින් ඉන්දියාවේ බටහිර වෙරළ තීරයේ සිට නැගෙනහිර වෙරළ තීරය දක්වා යාත්‍රා කිරීමට ගතවන කාලය සහ දුර ප්‍රමාණය අවම වනු ඇති බව සඳහන්ය.
සේතු සමුද්‍රම් ව්‍යාපෘතිය මගින් එම ප්‍රදේශයේ පවතින තෝරියම් නැමැති මූලද්‍රව්‍ය විනාශ වී යාමේ අවදානමක් පවතින නිසා අදාළ ව්‍යාපෘතියට පරිසරවේදීන් විරුද්ධත්වය ප්‍රකාශ කර තිබුණි.
ගොඩනැගීමට නියමිත විකල්ප මාර්ගය සඳහා කැබිනට් අනුමැතිය හිමි වු පසු සේතු සමුද්‍රම් ව්‍යාපෘතියට එරෙහිව ශ්‍රේෂ්ඨාධිකරණයේ පෙත්සමක් ගොණු කිරීමට ඊට විරෝධය පළකරන පිරිස් සුදානමින් පසුවන බව ද වාර්තා වේ.
සේතු සමුද්‍රම් ව්‍යාපෘති හරහා තමිල්නාඩුව සහ ශ්රී ලංකාව අතර මුහුදු ප්‍රදේශයේ මඩ ඉවත් කරමින් මන්නාරම සහ පෝක් සමුද්‍ර සන්ධිය යාවන පරිදි මුහුදු මාර්ගයක් ගොඩනැගීමට යෝජනා වී ඇත.
ඉන්දියාව හා ශ්රී ලංකාව වෙන්කෙරෙන පටු සමුද්‍ර තීරය නැතහොත් පෝක් සමුද්‍ර සන්ධිය හා මන්නාරම් බොක්ක අතර නොගැඹුරු මුහුදු තීරය ගැඹුරුකර නැව් ගමනාගමනය සඳහා නවතම මුහුදු ඇළ මාර්ග ව්‍යාපෘතියක් 2005-ජුනි 02 දින එවකට ඉන්දියාවේ අගමැති මන්මෝහන් සිං මහතා විසින් ආරම්භ කරන ලදී,
මෙම ව්‍යාපෘතිය සේතු සමුද්‍රම් ලෙස හඳුන්වයි.
