උන්වහන්සේගේ මූලිකත්වයෙන් යුත් පිවිතුරු හෙටක් උදෙසා වූ ජාතික සභාව විසින් සම්පාදනය කරන ලද 19 වෙනි ආණ්ඩු ක‍්‍රම ව්‍යවස්ථා සංශෝධන කෙටුම්පත් යෝජනාව අද (14) එළිදැක්වමින්, කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේ පැවති විශේෂ උත්සවයකදී පූජ්‍ය අතුරලියේ රතන හිමියන් එසේ පැවසුහ. 

හිටපු අගවිනිසුරු සරත් එන්. සිල්වා මහතා විසින් මෙම ව්‍යවස්ථා සංශෝධන කෙටුම්පත් යෝජනාව සම්පාදනය කර ඇත.

 ඊට මූලික කරුණු 8ක් ඇතුළත් වේ. ජනාධිපතිවරයා, අගමැතිවරයා සහ අමාත්‍ය මණ්ඩලයේ බලතල සම්බන්ධයෙන් මෙම ව්‍යවස්ථා සංශෝධන කෙටුම්පතට යෝජනා ඇතුළත් කර තිබේ.

 එමෙන්ම මනාප ක‍්‍රමය අහෝසි කර නව මැතිවරණ ක‍්‍රමයක් හඳුන්වාදීම සම්බන්ධයෙන් වූ යෝජනා ද ඊට ඇතුළත් කර තිබීම විශේෂත්වයකි.


පක්ෂය වරදක් කළා 


සිය පක්ෂය දහඅට වැනි ව්‍යවස්ථා සංශෝධනයට පක්ෂපාතීව ඡන්දය භාවිත කිරීම වැරැද්දක් බවද රතන හිමියෝ  'පිවිතුරු හෙටක් සඳහා වූ ජාතික ව්‍යාපාරයේ' රැස්වීම අමතමින් කියා සිටියහ.

2009 සැප්තැම්බර් මාසයේදී ආණ්ඩුව කඩිමුඩියේ සම්මත කරගත් දහඅට වැනි ව්‍යවස්ථා සංශෝධනය මගින් දෙවරක් විධායක ජනපති පදවිය හෙබවූ තැනැත්තෙකුට යළිත් වතාවක් තරඟ වැදීමට තිබූ බාධාව ඉවත් කෙරුණු අතර, 17 වැනි ව්‍යවස්ථා සංශෝධනය මගින් පිහිටුවා තිබූ ස්වාධීන කොමිෂන් සභාද අහෝසි කෙරිණ.

 ව්‍යවස්ථා සංශෝධන පනත් කෙටුම්පත් යෝජනාව එළිදැක්වීමේ අවස්ථාවට මාදුළුවාවේ සෝභිත හිමියන්, විපක්ෂ නායක රනිල් වික‍්‍රමසිංහ සහ බැසිල් රාජපක්ෂ, පාඨලී චම්පික රණවක, ඩිව් ගුණසේකර,  තිස්ස විතාරණ, රාජිත සේනාරත්න  යන අමාත්‍යවරුන් ද සහභාගි වී සිටියහ.

 එමෙන්ම කරු ජයසුරිය, අර්ජුන රණතුංග,  සුනිල් හඳුන්නෙත්ති සහ ආනන්ද සංගරී, හිටපු අගවිනිසුරු සරත් නන්ද සිල්වා යන මහත්වරුන් ද මෙම අවස්ථාවට එක්ව සිටියේය.