නරේන්ද්ර මෝදි වෙත ලිපියක් යොමු කරමින් ආනන්ද සංගරී මහතා පවසන්නේ, දෙමළ සන්ධානය සමග දෙමළ ජනතාවගේ ප්රශ්න සම්බන්ධයෙන් සාකච්ඡුා කිරීමෙන් යහපතක් අත් නොවන බවයි.
ඔවුන් එල්.ටී.ටී.ඊ සංවිධානයේ අපේක්ෂාවන් අනුව මිස දෙමළ ජනතාව වෙනුවෙන් කටයුතු නොකරන බව ආනන්ද සංගරී මහතා මෙම ලිපිය මගින් පෙන්වා දී ඇත.
ශ්රී ලංකවේ දෙමළ ජනතාවගේ ගැටළු පිළිබඳ සැබෑ උනන්දුවක් දක්වන පාර්ශ්වයන්ට දෙමළ සන්ධානයෙන් බාධා එල්ල වන බවද එහි දැක්වේ.
එල්.ටී.ටී.ඊය විසින් සිදු කරන ලද අමානුෂික ඝාතනයන් හී වගකීම දෙමළ සන්ධානයට ද පැවැරෙන බව ඔහු මෙම ලිපිය මගින් අවධාරණය කරයි.
එම තත්ත්වය සලකා දෙමළ ජනතාවට අවශ්ය විසඳුම් සම්බන්ධයෙන් මධ්යස්ථ දෙමළ පක්ෂ සමග සාකච්ඡුා සිදුකරන ලෙස ද්රවිඩ එක්සත් විමුක්ති පෙරමුණ ඉන්දීය අග්රාමත්යවරයාගෙන් ඉල්ලීම් කර ඇත.
පසුගිය ජුනි මාසයේදී දෙමළ ජාතික සන්ධානයේ මන්ත්රී කණ්ඩායමක් ඉන්දීය සංචාරයක නිරත වු අතර, එහි දී දෙමළ ජනතාවගේ ගැටළු සම්බන්ධයෙන් ඉන්දීය රජය අවධානය යොමු කළ බව දෙමළ සන්ධානය නිවේදනය කළේය.
දෙමළ ජාතික සන්ධානය හැර අනෙකුත් දේශපාලන පක්ෂ සමග දෙමළ ජනතාවගේ ගැටළු සම්බන්ධයෙන් සාකච්ඡා කරන්නැයි ද්රවිඩ එක්සත් විමුක්ති පෙරමුණ ඉන්දීය අග්රාමාත්යවරයාගෙන් ඉල්ලීමක් කර තිබේ.
Leave a comment