ඉන්දීය ධීවරයන් ට්‍රෝලිං යාත්‍රා මගින් උතුරු හා නැගෙනහිර ප්‍රදේශවල මසුන් ඇල්ලීම නිසා මාළු පැටව් විනාශවී යාමත් ඊට අමතරව මාළුවන් බෝ කිරීමට වගකිවයුතු ආයතන ක්‍රියා නොකිරීමත් යන කාරණා හේතුවෙන් රට වටා මුහුදේ බරපතළ ලෙස මාළු හිඟයක් ඇති වී ඇතැයි ධීවරයන් පවසන බව ද ඔහු කියයි.

මේ වන විට පෑලියගොඩ මධ්‍යම මත්ස්‍ය සංකීර්ණයට එන මාළු ප්‍රමාණය විශාල ලෙස අඩුවී ඇතැයි ද දකුණු මුහුදු තීරයෙන් ලැබෙන මාළු නොවන්නට දැනට පවතින මිල දෙගුණයකින් වැඩිවනු ඇතැයි ද ජයසිරි වික්‍රමාරච්චි සඳහන් කරයි.

මාළු මිල ගණන් මේ තරමටම වැඩිවීම හේතුවෙන් සිල්ලර වෙළෙඳුන් මාළු මිලදී ගැනීමට නොපැමිණෙන බවත් දුප්පත් මිනිසුන්ට සාලයා, හුරුල්ලා වැනි මාළු වර්ගයක්වත් මිලදී ගන්නට නොහැකි තත්ත්වයක් ඇති වී ඇතැයි ද ඔහු පවසයි.

ලින්නා කිලෝවක තොග මිල පමණක් රුපියල් 900 ක මට්ටමේ පැවැති බවද ඔහු සඳහන් කරයි.

පෑලියගොඩ මධ්‍යම මත්ස්‍ය සංකීර්ණයේ ඊයේ (21 වැනිදා) මාළු මිල ගණන් සටහන්ව තිබුණේ මෙසේය.

සාලයා රුපියල්. 1200, හුරුල්ලා රුපියල් 1500, ලින්නා රුපියල් 900, පරව් රුපියල් 1000, බලයා (පොඩි) රුපියල් 1000, බලයා (ලොකු) රුපියල් 1300, තලපත් රුපියල් 2500, කොප්පරා රුපියල් 3000, දැල්ලා (පොඩි) රුපියල් 1300, දැල්ලා (ලොකු) රුපියල් 2000, කුම්බලා රුපියල් 1300, හැදැල්ලා රුපියල් 1800, තෝරා රුපියල් 3300ය..