ගල්කිස්ස දිසා අධිකරණයේදී අදාළ නඩුව විභාගයට ගැනුණි.
එහි සභාපති වෛද්‍ය අනුරුද්ධ පාදෙණිය මහතා පැවසුවේ තමන් සහ නිලවරණ කමිටුව එහිදී නිදොස් කර නිදහස් කෙරුණු බවයි.
වැඩිදුටත් අදහස් දක්වමින් ඔහු පවසා සිටියේ
රජයේ වෛද්‍ය නිලධාරීන්ගේ නිලවරණයේදී අපි ගල්කිස්ස උසාවියේ උසාවි නියෝගයක් උල්ලංඝනය කර ඇති බවටත්, එසේම එතුළින් උසාවියට අපහාස කර ඇති බවටත් ගොනු කර තිබූ චෝදනා දෙකම කිසිදු පදනම් විරහිතව කරන ලද චෝදනා බවත් උසාවිය පිළිගත් බවයි.
එමෙන්ම උසාවි නියෝගය උල්ලංඝනය කර නොමැති බවත්, උසාවියට අපහාස වීමට කිසිදු දෙයක් සිදු කර නොමැති බවත් උසාවිය පැහැදිළිව තීන්දු කර තමන් සහ සහ නිලවරණ කමිටුවත් නිදොස් කොට නිදහස් කළ බවත්ය.
