අද දහවල් 12.00 ට නිකුත් කරන ලද මෙම විශේෂ අවවාදාත්මක නිවේදනය අද රාත්‍රී 11.00 දක්වා වලංගු වන බව එම දෙපාර්තමේන්තුව සඳහන් කරයි.

බස්නාහිර, සබරගමුව, මධ්‍යම, වයඹ, උතුරු මැද සහ ඌව යන පළාත්වලත්, ත්‍රිකුණාමලය, මන්නාරම, වව්නියාව සහ මුලතිව් යන දිස්ත්‍රික්කවලත් ඇතැම් ස්ථානවලට පස්වරු 1.00 න් පසුව ගිගුරුම් සහිත වැසි සමඟ ප්‍රබල අකුණු ඇතිවිය හැක.

ගිගුරුම් සහිත වැසි ඇති වන අවස්ථාවලදී එම ප්‍රදේශවල තාවකාලිකව තද සුළං ද ඇති විය හැකි බව කාලගුණ නිවේදනයේ දැක්වේ.

අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසත්, එළිමහනේ රැඳී සිටීමෙන් වැළකී ආරක්ෂිත ස්ථානවල පසුවන ලෙසත් කාලගුණ විද්‍යා දෙපාර්තමේන්තුව මහජනතාවට උපදෙස් ලබා දෙයි.