ශාන්ත පීතර චතුරශ්රයේ ඇන්ජලස් යාච්ඤාවට එක්වෙමින් 14 වන ලියෝ පාප් වහන්සේ මේ බව සඳහන් කළා.
උන් වහන්සේ මෙහිදී පැවසුවේ ඉරානයෙන් සහ මැද පෙරදිගින් දැඩි කරදරකාරී පුවත් දිගටම අසන්නට දකින්නට ලැබෙන බවයි.
“වෛරය සහ බිය රජයන මෙවන් වටපිටාවක, මෙම ගැටුම තවදුරටත් ව්යාප්ත වී ලෙබනනය වැනි රටවල් යළිත් අස්ථාවරත්වයට පත්වනු ඇතැයි යන බියක් පවතිනවා,” යැයි උන්වහන්සේ පැවසූ බව විදෙස් මාධ්ය වාර්තා කරනවා.
ප්රචණ්ඩත්වය තවදුරටත් වර්ධනය වීමට පෙර එය නතර කිරීමේ සදාචාරාත්මක වගකීම සියලු පාර්ශවයන් සතු බව පාප් වහන්සේ අවධාරණය කර තිබෙනවා.
“බෝම්බවල ඝෝෂාව නතර වේවා, අවි ආයුධ නිහඬ වේවා, ජනතාවගේ හඬට සවන් දිය හැකි සාකච්ඡාමය වාතාවරණයක් උදා වේවා කියා මම යාඥා කරනවා.” යනුවෙන්ද උන්වහන්සේ යාඥා කර තිබෙනවා.
