ඡන්ද හිමි නාම ලේඛනයට සිය නම මෙතෙක් ඇතුළත්ව නොමැති පුද්ගලයන්ට අදාළ කාලය තුළ ඒ සඳහා අවස්ථාව ලබා දී ඇති බව මැතිවරණ මහලේකම් කාර්යාලය පෙන්වා දෙයි.
එමෙන්ම මේ වන විට ඡන්ද හිමි නාම ලේඛනය, දිස්ත්‍රික් මැතිවරණ කාර්යාල, ප්‍රාදේශීය ලේකම් කාර්යාල සහ ග්‍රාම නිලධාරී කාර්යාලවල ප්‍රදර්ශනය කරනු ඇත.
එමෙන්ම මැතිවරණ දෙපාර්තමේන්තුවේ නිල වෙබ් අඩවිය වන WWW.SLELECTIONS.GOV.LK වෙත පිවිස තම දිස්ත්‍රික්කය සහ තම හැඳුනුම්පත් අංකය යෙදා නාම ලේඛනය පරීක්ෂා කළ හැකිය.
අදාළ නාම ලේඛනයේ තමන්ගේ නම ඇතුළත් වී නොමැති නම් ග්‍රාම නිලධාරිවරයා මාර්ගයෙන් ඊට අවශ්‍ය කටයුතු කරන ලෙස මැතිවරණ මහලේකම් කාර්යාලය පවසයි.
