එක්සත් ජාතික පක්ෂ ජාතික නායක සහ විපක්ෂ නායක රනිල් වික්රමසිංහ මහතා විසින් පනවන ලද එම නියෝගය පිළිබඳව පක්ෂයේ සියලුම මහජන නියෝජිතයන් වෙත දැනුම් දී තිබේ.
බස්නාහිර පළාත් සභා මන්ත්රීවරයෙකු පක්ෂයේ ජාතික නායකයාගේ අවසරයකින් තොරව ඇමෙරිකා එක්සත් ජනපදයේ සංචාරය කිරීම ඉහත නියෝගය වහාම ක්රියාත්මක වන පරිදි පැනවීමට අසන්නම හේතුව වී ඇතැයි එක්සත් ජාතික පක්ෂයේ ජ්යෙෂ්ඨයෙකු පැවැසීය.
ඌව පළාත් සභා මැතිවරණය අතරතුර දිවයිනෙන් පිටව ගොස් සිටි ඉහත පළාත් සභා මන්ත්රීවරයා යළි මෙරටට පැමිණි වහාම ඔහුගෙන් නිදහසට කරුණු විමසන ලෙස එක්සත් ජාතික පක්ෂ ජාතික නායකයා පක්ෂයේ මහ ලේකම් තිස්ස අත්තනායක මහතා වෙත මේ වන විට නියෝග කර තිබේ.
ඉහත පළාත් සභා මන්ත්රීවරයා බස්නාහිර පළාතේ ප්රධාන මැතිවරණ කොට්ඨාසයක සංවිධායක තනතුරක්ද හොබවන අතර ඔහු පක්ෂයේ ජාතික නායකයාගේ අවසරයකින් තොරව විදේශ සංචාරයේ යෙදීම පිළිබඳ සාධාරණ හේතුවක් ඉදිරිපත් නොකළහොත් ඔහුට අභිනවයෙන් ලැබුණු ආසන සංවිධායක ධුරය ද අහිමි වනු ඇතැයි ජ්යෙෂ්ඨ ප්රකාශයකයා වැඩිදුරටත් සඳහන් කළේය.
පළාත් සභා මන්ත්රීවරුන්, ආසන සංවිධායකවරුන් සහ පළාත් පාලන ආයතන විපක්ෂ නායකවරුන් කිසිවෙකුටත් එක්සත් ජාතික පක්ෂ ජාතික නායක සහ විපක්ෂ නායක රනිල් වික්රමසිංහ මහතාගේ සෘජු අවසරයකින් තොරව මින් ඉදිරියට පිටරට යා මට අවසර නොමැති බවට දැනුම් දී ඇත.
Leave a comment