විදේශ කටයුතු, විදේශ රැකියා සහ සංචාරක අමාත්යාංශයේ පැවැති ශ්රී ලංකාවේ සිටින රාජ්ය තාන්ත්රික නියෝජිතයන් දැනුම්වත් කිරීමේ වැඩසටහනකට එක්වෙමින් අගමැතිවරිය මේ බව කියා සිටියාය.
ගංවතුර සහ නායයෑම් ව්යසන තත්ත්වයන් හමුවේ විදේශ රටවලින් ලබාදුන් සහයෝගය පැසසුමට ලක් කළ අගමැතිවරිය ශ්රී ලංකාව මෑතකදී මුහුණ දුන් දරුණුතම ව්යසනය මෙය නමුත් ජනතාවගේ ශක්තිය සහ රජ්ය ආයතනවල මනා සම්බන්ධීකරණය සහ කැපවීම හේතුවෙන් සහන මෙහෙයුම් ක්රියාත්මක කිරීමේ දී සැලකිය යුතු ප්රගතියක් ලබාගැනීමට හැකි වූ බව කීවාය.
මාර්ග අවහිරතා හේතුවෙන් ප්රවේශය සීමා වී තිබූ ප්රදේශවලට දැන් ළඟා විය හැකි අතර පොදු ස්ථාන සහ නිවාස යථා තත්ත්වයට පත් කරමින් ආරක්ෂිත බව සහතික කිරීම සඳහා දැවැන්ත මෙහෙයුම් ක්රියාත්මක වෙමින් පවතින බවත්, බලපෑමට ලක් වූ ප්රදේශවල සන්නිවේදනය කටයුතු සහ විදුලිය ලබා දීම යථා තත්ත්වයට පත් කරමින් පවතින බවත් අගමැතිවරිය කියා සිටියාය.
ත්රිවිධ හමුදාව, පොලීසිය, රාජ්ය නිලධාරීන්, සෞඛ්ය සේවකයන්, ස්වේච්ඡා සේවකයන් සහ පළාත් පාලන ආයතනවල එකමුතුකම සහ කැපවීමේ ප්රතිඵලයක් ලෙස අවතැන් ජනතාවට සහන ලබා දීම, අවදානම් ප්රදේශවලින් ජනතාව ඉවත් කිරීමේ මෙහෙයුම් සහ අනතුරට පත් ජනතාව ගලවා ගැනීමේ මෙහෙයුම් මෙන්ම හදිසි ආධාර බෙදාහැරීම් කඩිනමින් සිදු වූ බව අගමැතිවරිය පැවසුවාය.
විදේශ කටයුතු, විදේශ රැකියා සහ සංචාරක නියෝජ්ය ඇමැති අරුන් හේමචන්ද්ර, අග්රාමාත්ය ලේකම් ප්රදීප් සපුතන්ත්රි, විදේශ කටයුතු අමාත්යාංශයේ ලේකම් අරුණි රණරාජා ආපදා කළමනාකරණ මධ්යස්ථානයේ අධ්යක්ෂ ජනරාල් මේජර් ජෙනරාල් සම්පත් කොටුවේගොඩ (විශ්රාමික), ශ්රී ලංකා සංචාරක සංවර්ධන අධිකාරියේ සභාපති බුද්ධික හේවාවසම් මහත්ම මහත්මීහු සහභාගි වී සිටියහ.
