ඒ අනුව වසර 2025 සිට ඉදිරි වසර තුන සඳහා රාජ්‍ය සේවක වැටුප් සියයට 60-80ත් අතර ප්‍රමාණයකින් ඉහළ දමා අදියර තුනක් යටතේ ගෙවීමට රජය ක්‍රියා කරන බව කම්කරු ඇමැති සහ ආර්ථික සංවර්ධන නියෝජ්‍ය ඇමැති ආචාර්ය අනිල් ජයන්ත ප්‍රනාන්දු මහතා සඳහන් කළේය.
මෙම වැටුප් වැඩි වීමෙන් 30%ක ප්‍රමාණයක් මේ වසරේදී රාජ්‍ය සේවකයන්ට ලබා දී ඇත. ඉතිරි මුදලින් 30%ක – 35%ක ප්‍රමාණයක් ලබන වසරේ අය-වැයෙන් ගෙවීමට රජය ක්‍රියා කරන බව ඇමැතිවරයා කීය.
මෙරට රාජ්‍ය සේවක සංඛ්‍යාව ලක්ෂ 14කට ආසන්නය. මෙම වැටුප් වැඩි වීම රාජ්‍ය අංශයේ මෙන්ම අර්ධ රාජ්‍ය, රාජ්‍ය ව්‍යවසාය, විශ්‍රාමිකයන්ට පවා ගළපවමින් වැඩිකොට ලබාදීමට 2025 අය-වැයෙන් යෝජනා කොට ක්‍රියාත්මක කොට ඇතැයි ද ඇමැතිවරයා වැඩිදුරටත් අවධාරණය කළේය.
රජයේ වියදම්වලින් වැඩිම මුදලක් රාජ්‍ය සේවක වැටුප් වැඩි කිරීම් ඇතුළු පුනරාවර්තන වියදම් සඳහා වැය වන බව ද ඔහු සඳහන් කළේය.
