විදුලි බල මණ්ඩලයේ සේවකයන් විසින් ආරම්භ කර ඇති අකුරට වැඩකිරීමේ වෘත්තීය ක්‍රියාමාර්ගය සම්බන්ධයෙන් රජය කිසිදු අවධානයක් මේ දක්වා යොමුකර නොමැති බැවින් මෙම තීරණය ගැනීමට සිදුවන බව ලංකා විදුලිබල මණ්ඩලයේ නිදහස් සේවක සංගමය පවසයි.
මෙම සංගමයේ ප්‍රධාන ලේකම් ප්‍රභාත් ප්‍රියන්ත ඊයේ [8 වැනිදා] මාධ්‍යයට අදහස් දක්වමින් පැවැසුවේ විදුලිබල මණ්ඩලයේ වෘත්තීය සමිති පස්වරු 4. 30 න් පසු අතිකාල සේවාවලින්ද ඉවත් වීමට ඊයේ [08 වැනිදා] තීරණය කළ බවය.
හෙතෙම කියා සිටියේ ජනතාව අපහසුතාවට පත්වෙන බැවින් අකුරට වැඩ කිරීමේ වෘත්තිය ක්‍රියා මාර්ගයෙන් පමණක් වෘත්තීය සමිති නැවතුන ද රජය විදුලිබල මණ්ඩලයේ සේවකයන් සැහැල්ලුවට ගැනීමට කටයුතු කරන බවක් පෙනෙන්නට තිබෙන බවය.
විදුලිබල මණ්ඩලය ප්‍රතිව්‍යුහගතකරණය කිරීමට සේවකයන් කිසිදු අකමැත්තක් නොමැති වුවත් ගැටලුව තිබෙන්නේ එය සිදුකරන ආකාරය බවත් එයින් සේවකයන්ට විශාල හානියක් සිදුවන බවත් මෙහිදී ඔහු පැවැසුවේය.
