මෙම තත්ත්වය පිළිබඳ නුවරඑළිය මහ නගර සභාවේ ජල කර්මාන්ත කාරක සභාවේ සභාපති නාගරික මන්ත්‍රී මහේස් රත්නසේකරගෙන් කළ විමසිමකදී ඔහු කියා සිටියේ ප්‍රධාන ජල නළයක සිදුවූ දෝෂයක් පිළිසකර කිරීම හේතුවෙන් මෙම තත්ත්වය උදා වී ඇති බවය.
කෙසේ වෙතත් නුවරඑළිය නගර සීමාවේ පසුගිය 06 වැනිදා උදෑසන සිට පානිය ජල සැපයුමේ තද දුඹුරු පැහැයෙන් මඩ වතුර ජල නළ ඔස්සේ පාරිභෝගික ජල සැපයුම්වලට ලැබීමෙන් නුවරඑළිය ප්‍රජාව ව්‍යාපාරිකයන්, හෝටල් කර්මාන්තයේ නියැළි පුද්ගලයන් සහ සංචාරකයන් දැඩි අපහසුතාවට පත්ව තිබිණි.
ඊයේ (07 වැනිදා) දින උදෑසන වන විටත් පානය කිරීමට සුදුසු තත්ත්වයේ ජලය නොමැති බව ප්‍රදේශවාසීහු පෙන්වා දෙති.
