“ඔහුගේ වයස නිසා ඔහුගේ රුධිර පීඩනය තරමක් ඉහළ ගොස් තිබුණත් පූර්වාරක්ෂාවක් ලෙස අපි ඔහුව දැඩි සත්කාර ඒකකයට මාරු කළා පමණයි”
“ඔහුගේ තත්ත්වය බරපතළ නැහැ” වෛද්‍ය විජේසිංහ වැඩිදුරටත් පැවසීය.
ඔහු හෘද රෝග තත්ත්වයෙන් පෙළෙන බැවින් ඒ සම්බන්ධව ද දැඩි අවධානය යොමු කර ඇතැයි පවසන අතර හිටපු ජනාධිපතිවරයාගේ තත්ත්වය සාමාන්‍ය අතට පත් වූ වහාම ප්‍රභූවරුන් වෙනුවෙන් වෙන් කර ඇති ගෙවන අංක 15 ගෙවන වාට්ටුවට යොමු කිරීමට සූදානම් කර ඇති බවය.
තව දුරටත් ප්‍රතිකාර අවශ්‍ය නම් ජාතික රෝහලේ වෛද්‍ය දැඩි සත්කාර ඒකකය සූදානම් කර ඇති බව ද එම විශේෂ ආරංචි මාර්ග ද තහවුරු කළේය. හිටපු ජනාධිපතිවරයාට පපුවේ වේදනාවක් ඇති වී තිබෙන බවත්, රුධිර පීඩන මට්ටම අඩු නොවන බවත්, විශේෂඥ වෛද්‍ය කණ්ඩායමක විශේෂ අධීක්ෂණය යටතේ ඔහු ප්‍රතිකාර ලබන බවත් රෝහල් ආරංචි මාර්ග කියයි.
