වරාය අධිකාරිය ලබන පෙබරවාරි 28 වැනිදා පැවැත්වීමට නියමිත වෙන්දේසියට මෙම ඉස්සෝ කන්ටේනර් දෙක ලැයිස්තු ගතකර නොමැති බව කියන ලංසුකරුවෝ ඇමරිකාවෙන් ආනයනය කළ මෙම කන්ටේනර් දෙකේ ඉස්සෝ කිලෝග්‍රෑම් 50,000 ක් පමණ අඩංගු බව ද සඳහන් කරති. මෙම ඉස්සන් අඩංගු කන්ටේනර් දෙක වරායෙන් නිදහස් කරගැනීමට ව්‍යාපාරිකයෙක් යැයි කියන පුද්ගලයෙක්ට වරාය අධිකාරියේ උසස් නිලධාරියෙක් සහ ශ්‍රී ලංකා රේගුවේ රේගු දෙපාර්තමේන්තුවේ නිලධාරීන් කීපදෙනකුගේ සහය ලැබී ඇති බවත් මිනිස් පරිභෝජනයට නුසුදුසු ආහාර ද්‍රව්‍ය සත්ත්ව ආහාර ලෙස හෝ වෙන්දේසි නොකර විනාශ කරන මුවාවෙන් වරායෙන් රැගෙන යෑමෙන් රජයට අයවිය යුතු විශාල බදු මුදලක් අහිමි වන බවත් ඔවුහු පවසති.
සෞඛ්‍ය අමාත්‍යාංශයේ අධීක්ෂණයක් නොමැතිව මෙවැනි ආහාර වෙළෙඳපොළට නිකුත්වීම ජනතාවගේ සෞඛ්‍යයට දැඩි හානියක් වියහැකි බව ද වරාය භාණ්ඩ ලංසුකරුවෝ වැඩිදුරටත් සඳහන් කරති.
-අරුණ
