වන්දනාකරුවන් පැමිණි වාහනවලින් නල්ලතන්නිය නගරයේ සියලුම රථගාල් පිරීගොස් ඇති බවත්, සෙසු වාහන නල්ලතන්නිය මරේ මංසන්ධියේ සිට ලක්ෂපාන වතුයාය දක්වා කිලෝමීටර් 4ක් පමණ දුරට මාර්ගයේ එක් පසක ගාල් කර ඇති බවත් පොලිස් ස්ථානාධිපතිවරයා කියා සිටියේය.
මෙවැනිම වන්දනාකරුවන් පිරිසක් රත්නපුර මාර්ගය ඔස්සේද පැමිණීම නිසා ශ්‍රී පාද උඩ මළුවේ දැඩි තදබදයක් හටගෙන ඇති බවත්, එම නිසා නල්ලතන්නිය ශ්‍රී පාද මාර්ගයේ ඉඳිකටුපාන සිට ශ්‍රී පාද උඩ මළුව දක්වා දැඩි තදබදයක් පවතින බවත් ස්ථානාධිපතිවරයා පැවැසීය.
ශ්‍රී පාදස්ථානයේ පැමිණෙන වන්දනාකරුවන් වෙනුවෙන් විශේෂ ආරක්ෂක වැඩපිළිවෙළක් දියත් කර ඇති බවත්, වන්දනාකරුවන්ට අවශ්‍ය සියලුම පහසුකම් සලසා ඇති බවත් ස්ථානාධිපතිවරයා කියා සිටියේය.
