එබැවින් එළඹෙන කන්නයේදී වී ගබඩා කරන සියලු දෙනා වී අලෙවි මණ්ඩලයේ හා පාරිභෝගික අධිකාරියේ ලියාපදිංචි විය යුතු බවත්, ඔවුන් වී තොග සම්බන්ධයෙන් සතිපතා වාර්තාවක් ලබාදිය යුතු බවත්, රජය දෙවැනියට වැඩිම ආයෝජනයක් කරන්නේ කෘෂි කර්මාන්තයට නිසා සහ වී යනු ජාතික දේපළක් වන නිසා ඒ සම්බන්ධයෙන් වාර්තාවක් රජයට අවශ්‍ය බවත් ජනාධිපතිවරයා ප්‍රකාශ කළා.
එසේම රජයට වී තොග රැස්කිරීම සඳහා රුපියල් කෝටි 500 ක් වෙන් කරන බවද, එලෙස රැස් කරන වී තොග රජයේ සැලැස්ම අනුව නිකුත් කළහොත් ඉදිරියේදී මේ සඳහා රජයට මුහුණදිය හැකි බවද ජනාධිපතිවරයා සඳහන් කළා.
සහල් මිල උපරිම සිල්ලර මිලෙන් ඉහළට අලෙවි කිරීමට අවස්ථාව ලබා නොදෙන බවත්, රජයේ සැලැස්ම අනුව කටයුතු නොකරන්නේ නම් සහල් මෝල හමුදා භාරයට ගන්නා බවත්, එවිට ඔවුන්ගේම කළමණාකරුවන් හා සේවකයින් යොදාගෙන හමුදාවට තොරතුරු වාර්තා කළ යුතු බවයි ජනාධිපති අනුර කුමාර දිසානායක වැඩිදුරටත් ප්‍රකාශ කළේ.
