රජයේ ගැසට්, පනත් පනත් කෙටුම්පත් සහ අනෙකුත් වැදගත් නිවේදන වෙත ප්‍රවේශ වීම සඳහා වැදගත් සහ අත්‍යවශ්‍ය වෙබ් අඩවියක් වන රජයේ මුද්‍රණාලයේ www.documents.lk වෙබ් අඩවිය ද සතියකට වැඩි කාලයක් තිස්සේ, ක්‍රියා විරහිතය. වෙබ් අඩවියට පිවිසීමට උත්සාහ කරන අයට '' නඩත්තුවක් සිදු කරමින් සිටින බවට ( This website is under construction) යනුවෙන් පණිවිඩයක් ලැබේ.

ජනාධිපති කාර්යාල වෙබ් අඩවියේ තොරතුරු දැනගැනීමේ අයිතිවාසිකම් (RTI) ද්වාරය මාසයකට වැඩි කාලයක් අක්‍රිය වී ඇති අතර, මුල් පිටුව පුරා "ළඟදීම පැමිණේ" යන පණිවිඩය දිස්වන අතර, නිකුත් කිරීමට නියමිත චිත්‍රපටයක් මතක් කර දෙයි.

රජය ඩිජිටල්කරණය ගැන බැරෑරුම්ව කල්පනා කරන්නේ නම්, රජයේ වෙබ් අඩවි ක්‍රියාත්මක විය යුතු අතර නඩත්තුව සඳහා සති ගණනන් ඒ වෙනුවෙන් කල් මැරීම සිදු නොවිය යුතුය. විශේෂයෙන් මේ වෙබ් අඩවි ඉතා හොඳින් ක්‍රියාත්මක වූ ඒවාය.

එමෙන්ම රජයේ ක්‍රියාකාරිත්වය, තීන්දු තීරණ, ටෙන්ඩර් ප්‍රධානයන් ආදී තොරතුරු දැන ගැනීමට ජනතාවට පහසු ප්‍රවේශයක් ලෙස ඩිජිටල් වේදිකාවන් ගොඩනැඟුම විය යුතු බව ජාත්‍යන්තර මුල්‍ය අරමුදල විසින්ද පෙන්වා දී තිබිණි.