සහල් ආනයනය සඳහා ඉකුත් දෙසැම්බර් මස 04 වැනිදා සිට 20 වැනිදා දක්වා පෞද්ගලික අංශයට අවස්ථාව ලබාදී තිබූ අතර එය යළි අද (10 වැනිදා) දක්වා දීර්ඝ කිරීමට රජය තීරණය කරන ලදී.

පෙරේදා (08 වැනිදා) දහවල් 12 වන විට ආනයනය කර රේගුවෙන් නිශ්කාෂණය කර තිබූ සමස්ත සහල් ප්‍රමාණය මෙට්‍රික් ටොන් 115,000 කි.

කෙසේ නමුත්, රතු කැකුළු සහල් මෙට්‍රික් ටොන් 2,600 ක් ආනයනය කිරීම සඳහා ලංකා සතොස ආයතනය විසින් ලංසු කැඳවා තිබේ.

ලංකා සතොස ආයතනය විසින් මීට පෙරදීද සහල් මෙට්‍රික් ටොන් 5,200 බැගින් ටෙන්ඩර් දෙකක් විවෘත කිරීමට අදාළව ලංසු කැඳවූ අතර එම ටෙන්ඩර් දෙකම ප්‍රතික්ෂේප විය.

රතු කැකුළු ආනයනය කිරීමට අදාළව ලංසු කැඳවීම පෙරේදා (09 වැනිදා) ආරම්භ කෙරුණු අතර එය මෙම 16 වැනිදායින් අවසන් වීමට නියමිතය.