විශේෂඥ වෛද්‍යසායන මගින් රෝගීන්ට මාස තුනක් දක්වා නිකුත් කරන ඖෂධ එක් මාසයක් සඳහා පමණක් නිකුත් කරන ලෙසත්, විදෙස් ගතවන පොලිස් නිලධාරීන් සඳහා මාස තුනක කාලයකට ලබාදෙන සායනික ඖෂධ මාස එකහමාරක කාලයක් සඳහා පමණක් නිකුත් කරන ලෙස ද පොලිස් වෛද්‍ය සේවා කොට්ඨාසයේ අධ්‍යක්ෂ වෛද්‍ය වී.ඩබ්ලිව්.ඩී.අයි. සෙනෙවිරත්න නිකුත් කරන ලද අදාළ ලිපියේ සඳහන් කර තිබේ.
රජයේ රෝහල්වල සහ පොලිස් රෝහල තුළ පවතින ඖෂධ හිඟය මග හරවා ගැනීම සඳහා නියෝජ්‍ය පොලිස්පතිනි (සුබ සාධන දිසාව) විසින් ලබාදුන් වාචික උපදෙස් මත අද (03 වැනිදා) සිට නැවත දැනුම් දෙනතුරු ඖෂධ නිකුත් කිරීම සීමා කරන ලෙස අදාළ ලිපියෙන් වැඩිදුරටත් දැනුම්දී තිබේ.
