හෝමාගම නියැඳගල පාරේ ඉදිකර ඇති මෙම පරිශ්‍රය Paw Paradise යන නමින් නොවැම්බර් 13 වැනිදා සිට මෙහෙයුම් කටයුතු ආරම්භ වී තිබේ. පිහිනුම් තටාක, විශේෂ පුහුණු කිරීමේ මධ්‍යස්ථාන, වායු සමනය සහිත සහ රහිත නවාතැන් මෙන්ම ආදර සුනඛයන්ගේ උපන්දින සාද, සිනමා පට සහ ටෙලි නාට්‍ය යා සඳහා සුරතල් සතුන් සැපයීම ඇතුළු විවිධ කටයුතු අප ආයතනය මගින් සිදු කිරීමට නියමිතව ඇත. මේ ශ්‍රී ලංකාවේ ප්‍රථම වරට සිදු කරනු ලබන ව්‍යාපෘතියකි.
නොවැම්බර් 13 වැනි සිකුරාදා මෙහි සමාරම්භක කටයුතු සිදු කර තිබුණේ ද සුවිශේෂී ආකාරයෙනි. ශ්‍රී ලංකාවේ අතිශය ප්‍රථම වරට සිදු කරනු ලබන මෝස්තර නිරූපණ උළෙලකින් සමාරම්භය වර්ණවත් වූ අතර මෙහි විශේෂත්වය වන්නේ ශ්‍රී ලංකාවේ ප්‍රකට නිරූපිකාවන් සුරතල් සුනඛයන්, පූසන්, කුරුල්ලන් ආදීන් සමග තම නිරූපණය ඉදිරිපත් කිරීමයි.
