මෙරට සහල් අර්බුදය විසඳීම සඳහා කඩිනමින් සහල් මෙට්‍රික් ටොන් 75,000 ක් ආනයනය කිරීමට රජය ඉකුත් 04 වැනිදා සහල් ආනයන සීමා ඉවත් කළේය. ඒ අනුව ඕනෑම සහල් වර්ගයක් ඉන්දියාවෙන් මෙමස 20 වැනිදා දක්වා ආනයනය කිරීමට ආහාර ද්‍රව්‍ය ආනයනකරුවන්ට අවස්ථාව ලබාදී තිබේ.

කෙසේ නමුත්, සහල් ආනයනයේ දී කිලෝවක් සඳහා අය කරන රුපියල් 65 ක තීරු බද්ද රුපියල් 50 ක් දක්වා රුපියල් 15 කින් අඩු කරන ලෙස ආනයනකරුවන් රජයෙන් ඉල්ලා ඇත. ඊට රජයෙන් නිසි ප්‍රතිචාරයක් නොලැබීම නිසා ආනයනකරුවන් රැසක් සහල් ආනයනය කිරීමට අඩු උනන්දුවක් දක්වන බව පැවසේ.

මේ නිසා රජය ආනයනය කිරීමට අපේක්ෂිත සහල් ප්‍රමාණය ආනයනය කිරීමට නොහැකි වී ඇතැයිද වෙළෙඳපොළ ආරංචි මාර්ග කියයි.