2024 දෙසැම්බර් මුල් දින 08 තුළ මෙරටට පැමිණ තිබෙන 47,175ක සංචාරකයන් සංඛ්‍යාවත් සමඟින් 1,852,048ක සංචාරක ඉලක්කයක් සපුරා ගැනීමට ශ්‍රී ලංකාවට මේ වනවිට හැකි වී තිබේ. ඒ අනුව මේ මස මුල් දින 08ක කාලයේ දී වැඩිම සංචාරකයන් පිරිසක් ඉන්දියාවෙන් මෙරටට පැමිණ තිබෙන අතර එය 10,261ක් බවද රුසියාවෙන් සංචාරකයන් 7,647 දෙනකු පැමිණ තිබෙන බවද පවසන ශ්‍රී ලංකා සංචාරක සංවර්ධන අධිකාරිය බ්‍රිතාන්‍යයන් 3,153 දෙනකු පැමිණ තිබෙන බවද කියා සිටී.

ඊට අමතරව චීනය, ඔස්ට්‍රේලියාව, ජර්මනිය, පෝලන්තය, ප්‍රංශය, එක්සත් රාජධානිය සහ බංග්ලාදේශය යන රටවලින් වැඩි සංචාරකයන් පිරිසක් පැමිණ තිබෙන බවද ශ්‍රී ලංකා සංචාරක සංවර්ධන අධිකාරිය පෙන්වා දෙයි. මේ අතර ශ්‍රී ලංකා මහ බැංකුව පවසන්නේ 2024 වසරේ මුල් මාස 11 තුළ සමස්ත සංචාරක ඉපැයීම් ප්‍රමාණය එක්සත් ජනපද ඩොලර් මිලියන 2,806.5ක් බවයි. මෙය 2023 වසෙර් මුල් මාස 11 හි සංචාරක ඉපැයීම් ප්‍රමාණය වූ ඩොලර් මිලියන 1,798.7 හා සැසඳීමේ දී සියයට 56ක වර්ධනයකි.

දිනමිණ