රටපුරා මත්පැන් සමාගම් සහ මත්පැන් අලෙවිසල් 4,500ක් පමණ පවතින බවත් මේ වනවිට 2025 වසරට අදාළ බලපත්‍ර ලබාගැනීමට සුරාබදු දෙපාර්තමේන්තුවට දේශීය ආදායම් දෙපාර්තමේන්තුව මගින් ලබාදෙන බදු නිෂ්කාශන වාර්තා ලැබී ඇත්තේ 200ක පමණ බවටත් වාර්තා වේ.
මේ සම්බන්ධයෙන් මත්පැන්හල් බලපත්‍රලාභීන්ගේ සංගමයේ සභාපති අජිත් උඩුගම මහතාගෙන් කළ විමසීමේදී ඔහු කියා සිටියේ, නියමිත ආකාරයට බදුගෙවා ඇති අයගේ නිෂ්කාශන වාර්තා දේශීය ආදායම් දෙපාර්තමේන්තුව විසින් අන්තර්ජාලය ඔස්සේ සුරාබදු දෙපාර්තමේන්තුවට ලබාදෙන බවයි. මෙතෙක් නියමිත බදු ගෙවා නොමැති පිරිස් ද නියමිත බදු මුදල් ගෙවා නිෂ්කාශන වාර්තා යැවීමට අවශ්‍ය සුදුසුකම ලබාගන්නා ලෙස හෙතෙම ඉල්ලා සිටියේය.
මීට වසරවල දේශීය ආදායම් දෙපාර්තමේන්තු නිෂ්කාශන වාර්තා විවිධ ක්‍රම මගින් සුරාබදු දෙපාර්තමේන්තුවට යොමු කළත් මෙවර එවැනි දේවල් කිරීමේ හැකියාවක් නොමැතිවීම ඇතැම්විට නිෂ්කාශනය වාර්තා සුරාබදු දෙපාර්තමේන්තුවට ලැබීම ප්‍රමාදවීමට හේතුවක් වියහැකි බවද ඔහු කීය.
-දිවයින
