විදෙස් ගුවන් ගමන් බලපත්‍ර ප්‍රශ්නය සහ නව ගුවන් ගමන් බලපත්‍ර තොගය ලැබීම පිළිබඳ ජනාධිපති අනුර කුමාර දිසානායක සහ මහජන ආරක්ෂක ඇමැති විජිත හේරත් කළ ප්‍රකාශයන්ට ප්‍රතිචාර දක්වමින් හිටපු ඇමැති ටිරාන් අලස් මේ බව කියා සිටියේය.
ගුවන් ගමන් බලපත්‍ර ලබාදීම වසර විසි එකක කාලයක් එකම සමාගමක් විසින් සිදුකර තිබෙනවා. ඒ සමාගම මේ කාලය තුළ පාස්පෝට් පොත් එක් කෝටි දස ලක්ෂයක් ලබාදීල තියෙනවා. විද්‍යුත් පාස්පෝර්ට් නිකුත් කිරීමේ අවශ්‍යතාව මත දෙස් විදෙස් සමාගම්වලින් ඊ පාස්පෝර්ට් සඳහා ටෙන්ඩර් කැඳවීමක් සිදුකර, සමාගම් තුනක් අතරින් තෝරාගත් සමාගමකින් පාස්පෝර්ට් පොත් ලක්ෂ පහක ප්‍රමාණයක් එක් හිස් පොතක් ඇමරිකන් ඩොලර් 5.6ක ලංසුවකට මිලදී ගැනීමට තීරණය කළා.
එම සමාගමේ ඇණවුම නොවැම්බර් මාසයේ දී ලැබීමට තිබුණත් හිස් පාස්පෝර්ට් ශේෂ වීම මත ඉලෙක්ට්‍රෝනික චීපය නොමැති පාස්පෝට් ප්‍රමාණයක් කඩිනමින් ලබාදෙන ලෙස අපි ඉල්ලිම් කළා. චීපය නොමැති පාස්පෝට් ප්‍රමාණයක් ලැබීමට තිබුණේ ඔක්තෝබර් 20. ඒ නිසා තමයි අපි 20 වැනිදා වෙනකල් අත්‍යවශ්‍යම අයට පමණක් පාස්පෝට් නිකුත් කිරීම සීමා කළේ. මේ පාස්පෝට් හිස් පොත් ලැබුණේ පසුගිය රජයේ මහන්සියක ප්‍රතිඵලයක් විදිහට යැයි ද ටිරාන් අලස් සඳහන් කර සිටියේය.
-p.m
