මෙවැනි තීරණයක් ගැනීමට හේතු වූයේ ගම්පහ ආසනයේ සංවිධායක ලෙස සිටි තමන් ඉවත් කර රනිල් පිලෙන් අයෙකු පත් කිරීම සජිත් ප්‍රේමදාසගේ සෘජු මැදිහත්වීමෙන් සිදු කර ඇති නිසා එයට විරෝධය පෑමක් ලෙස බව ප්‍රකාශ කර තිබිණි. තමන් නාමයෝජනාවලට අත්සන් තබා පැය 24 ඉක්මයාමටත් පෙර එම පත් කිරීම සිදු කර ඇතැයිද ඔහු ප්‍රකාශ කර තිබේ.
සජිත් ප්‍රේමදාස මහතා පසුගියදා වරුණ රාජපක්ෂ මහතාට ගම්පහ ආසන සංවිධායකධුරය ලබා දී තිබිණි. එසේම මෙවර පාර්ලිමේන්තුවට වරුණ පැමිණිය යුතුම බවත් ඒ සඳහා තමන්ගේ පූර්ණ සහයෝගය ලබා දෙන බවත් සජිත් ප්‍රේමදාස මහතා ප්‍රකාශ කර තිබිණි.
මේ වර්ධනයන් සිදුවෙමින් තිබියදී, සමගි ජන බල සන්ධානයේ නායක සජිත් ප්‍රේමදාසගේ ක්‍රියාකලාපය සම්බන්ධයෙන් දැඩි කලකිරීමක් පවතින බවත් එම තත්වය තුළ තවදුරටත් ඔහු සමග දේශපාලන කටයුතුවල නිරතවිය නොහැකි නිසා තමන් හට ඡන්දය ලබා දීමෙන් වලකින ලෙස ඔහු ඉල්ලා ඇත.
