ජය භූමි, ස්වර්ණ භූමි ඔප්පු සහ බලපත්‍රලාභී ඉඩම් හිමියන් ලක්ෂ 20කට උරුමය වැඩසටහන ඉකුත් රජය විසින් ආරම්භ කරන ලදී. එම වැඩසටහන දිස්ත්‍රික් මට්ටමින් ක්‍රියාත්මක වන බව දිස්ත්‍රික් ලේකම් කාර්යාල ආරංචිමාර්ග සඳහන් කරයි.
ආරවුල් රහිත ඉඩම්වලට පමණක් උරුමය වැඩසටහන යටතේ සින්නක්කර ඔප්පු නිකුත් කරන බවද දිස්ත්‍රික් ලේකම්වරු පවසති.
ජනාධිපතිවරණ ඡන්ද විමසීමේ දිනය ප්‍රකාශයට පත් කිරීමෙන් පසුව, උරුමය සින්නක්කර ඔප්පු ප්‍රදානය කිරීමේ වැඩසටහන් සියල්ල නතර කෙරිණි.
මේ සම්බන්ධයෙන් ඉඩම් කොමසාරිස් ජනරාල් බන්දුල ජයසිංහගෙන් කරන ලද විමසීමේදී කියා සිටියේ උරුමය ඔප්පු 110,000ක් දැනට සකස් කරමින් පවතින බවය.
මෙම ඔප්පු කඩිනමින් නිකුත් කිරීම සඳහා ඉකුත් රජය විසින් වෙනම ආයතනයක් පිහිටුවීමටද සැලසුම් කර තිබිණි.
- අරුණ
