මෙහිදී සිදුව ඇත්තේ ජනතා විමුක්ති පෙරමුණේ නායක අනුර කුමාරගෙ මැතිවරන රැලි සඳහා සෙනඟ පෙන්වීම වෙනුවෙන් පිට ප්‍රදේශ වලින් සෙනඟ ඇදීමේ මෙහෙයුමේ කොටසක් ලෙස, පිටස්තර විශ්ව විද්‍යාල වල ජවිපෙ හිතවාදී ශිෂ්‍ය ශිෂ්‍යාවන් විශාල ප්‍රමාණයක් ජපුර විශ්ව විද්‍යාලයට කැඳවීම මතය. ඉදිරියේදී පැවැත්වෙන රැස්වීම ගනනාවක් ඉලක්ක කරගෙන මෙම පිරිස මෙලෙස රැස්කර ඇත.
ගැටුමට හේතු වී ඇත්තේ එම පිටස්තර ශිෂ්‍ය ශිෂ්‍යාවන් ජපුර විශ්ව විද්‍යාලයට අයත් නේවාසිකාගාර වල බලහත්කාරයෙන් නවාතැන් දීමට ජපුරේ ජවිපෙ ශිෂ්‍ය කණ්ඩායම් ගත් උත්සාහයට අනෙක් ශිෂ්‍යයන්ගේ විරෝධයක් එල්ල වීම මතය. මෙහි දී එම විරෝධයට පෙරටුගාමී පක්ෂයේ ශිෂ්‍ය ක්‍රියා කාරිකයන්ද එක්වී ඇත. බහින් බස් වීම ගැටුමක් දක්වා දුර දිග ගොස් ඇත්තේ ඒ අනුවය.
කෙසේ නමුත් මෙම ගැටුම හේතුවෙන් විශ්ව විද්‍යාලයේ සියළුම පීඨ වල අධ්‍යනය කටයුත නවතා දමා, ඊයේ සවස 6 වන විට නෝවාසිකාගාර වල සියළුම සිසුන් ඉවත් විය යුතු බව දැනුම් දී විශ්ව විද්‍යාලය දින නියමයක් නොමැතිව වසා දැමීට පාලනාධිකාරිය තීරණය කළේය.
ජවිපෙ දේශපාලනික වුවමණාවන් වෙනුවෙන් විශ්ව විද්‍යාලයේ පරිශ්‍රය සහ දේපොළ යොදා ගැනීම නිසා දහස් ගනනක සිසුන්ගේ අධ්‍යාපනය කඩාකප්පල් වීම සිදුව ඇත.
