එම උපහාරය තමා සතුටින් පිළිගන්නා බව පැවසු ජනාධිපතිවරයා ජනතාව දුක් විඳින විට එය බලා සිටිය නොහැකි වූ තමා ජනතාව වෙනුවෙන් රට ගොඩනැඟීමේ අභියෝගයට මුහුණ දුන් බවත් කීවේය.
ඊයේ (10) පස්වරුවේ නාරම්වල ප්‍රදේශයේ පැවති “රනිල්ට පුළුවන්” විජයග්‍රාහී ජන රැලිය අමතමින් ජනාධිපති රනිල් වික්‍රමසිංහ මහතා මේ බව සඳහන් කර සිටියේය.
එළැඹෙන ජනාධිපතිවරණයේ දී ජනාධිපති රනිල් වික්‍රමසිංහ මහතාගේ විජයග්‍රහණය තහවුරු කිරීම වෙනුවෙන් සංවිධානය කර තිබූ මෙම ජන රැලියට අතිවිශාල ජනතාවක් එක්ව සිටි අතර, ජන රැලිය ඇමතූ ජනාධිපතිවරයා වැඩිදුරටත් සඳහන් කර සිටියේ මේ රටේ ජනතාව පෝලිම්වල දුක් විඳින විට සොයා ගැනීමටවත් නොසිටි සජිත්ට හා අනුරට තම අනාගතය භාර දීමට මේ රටේ ජනතාව සූදානම් නොමැති බවයි.
පසුගිය ආර්ථික අර්බුදය හමුවේ රටේ ආර්ථිකය ගොඩනැගීමට එක් වූ පිරිසට රටේ අනාගතය ගොඩනැඟීමේ ශක්තියද ඇති බව අවධාරණය කළ ජනාධිපතිවරයා ඒ සඳහා වූ වැඩපිළිවෙළ “පුළුවන් ශ්‍රී ලංකා” වැඩපිළිවෙළින් ඉදිරිපත් කර තිබෙන බවද කියා සිටියේය.
