මේ පිළිබඳව වැඩිදුරටත් අදහස් දැක්වූ ඒ මහතා මෙලෙස ද කීවේය.
“මෙසේ හඳුනාගෙන ඇති පිරිස අතරට වතු ජනතාව සහ LGBTIQ ප්රජාව වැඩි වශයෙන් ඇතුළත්ව සිටිනවා. මෙරට එක් කෝටි හැත්තෑ එක් ලක්ෂයක් වු ලියාපදිංචි ඡන්ද දායකයන් පිරිස අතරේ සිටින හැඳුනුම්පත් නොමැති පිරිස්ට කිසිදු බාධාවකින් තොරව ඒ සඳහා තාවකාලික හැඳුනුම්පතක් දීමට සියලු ග්රාම නිලධාරීන් සූදානම්ව සිටිනවා.
මැතිවරණ සමයේ මුල් අදියරේ සිටියත් මේ වන විට සහකාර සහ නියෝජ්ය මැතිවරණ කොමසාරිස්වරුන් ඇතුළු නිලධාරීන් මේ සම්බන්ධයෙන් දැනුම්වත් කර තිබෙනවා.
එසේම LGBTIQ ප්රජාවගේ සංක්රාන්තික සමාජභාවි අය හඳුනා ගැනීමට නිකුත් කර ඇති GRC. සහතිකය අනුව ඔවුන් ඡන්ද මධ්යස්ථානයේදී හඳුනා ගැනීම ගැටලුවක් නෑ. එසේම ඡන්ද හිමි නාම ලේඛනයට මුලින්ම නම ඇතුළත් විය යුත්තේ නිවෙසින්. කෙසේ නමුත් මේ ප්රජාව පිළිබඳව ඒ ඒ පළාත්වල ගොස් අප අවශ්ය දේ අධ්යයනය කළා. ඒ අනුව බොහෝ ගැටලු හඳුනාගෙන තිබෙනවා. කෙසේ වෙතත් මැතිවරණ ක්රියාවලියෙන් ඔබ්බට තියෙන කාරණා සම්බන්ධයෙන් අපට මැදිහත්වීමට ඇති හැකියාව අවමයි.”
