සියලු පොහොට්ටු මන්ත්‍රීවරුන්ගේ මහගෙදර ශ්‍රීලනිපය බවත් දරුවන් සුළු දේවල් නිසා අමනාප වුවද මවුපියන් මහගෙදර දොර දරුවන් වෙනුවෙන් නිරතුරුවම විවෘතව තබන බව ද අමරවීර මහතා කීය.
ඇමැතිවරයා මේ අදහස් පළ කළේ ඊයේ (01) කෘෂිකර්ම අමාත්‍යාංශයේ පැවැති උත්සවයකදී මාධ්‍ය වෙත අදහස් දක්වමිනි.
එහිදී ඇමැතිවරයා මෙසේද පැවැසීය.
“පොහොට්ටු මන්ත්‍රීවරුන්ගේ මහගෙදර ශ්‍රීලනිපයයි. දරුවෝ පොඩි පොඩි දේවල්වලට තරහ වුණාට අම්මලා තාත්තලා මහගෙදර දොරවල් වහන්නේ නැහැනේ. ඒ වගේ පොහොට්ටුවේ සියලු දෙනාට ශ්‍රී ලංකා නිදහස් පක්ෂයේ මහගෙදරට එන්න අපි දොරවල් විවෘත කර තිබෙනවා. ශ්‍රී ලංකා නිදහස් පක්ෂයේ පාර්ශ්ව කීපයක් නෑ. ඒක පළමුවෙනියටම කියන්න ඕනෑ. නිල වශයෙන්ම අධිකරණ තීන්දු සියල්ලම අනුව ශ්‍රී ලංකා නිදහස් පක්ෂයේ තිබෙන්නේ එක පාර්ශ්වයයි. ඒ අපේ පාර්ශ්වය. මම දැක්කා සමහර මාධ්‍ය තමයි පාර්ශ්ව කියලා බෙදා තිබෙන්නේ.
-P.M
