ඔහු ප්රසිද්ධ කර ඇති දැන්වීම අනුව වෙනත් දේශපාලනික වුවමනාවක් ඒ තුළ ගැබ්ව ඇති බවත් මෙම පිරිස පෙන්වා දෙයි.
එම ශ්රී ලංකිකයන් ඒ පිළිබඳව පළ කරන අදහස මෙසේය.
''පාර්ලිමේන්තු මන්ත්රී වරයෙකු මහජන නියෝජිතයෙකු හා ඉතාලි ශ්රී ලංකා මිත්ර සංගමයේ ලේකම්වරයා ලෙස ඉතාලියේ වෙසෙන ලාංකේය ජනතාවගේ ප්රශ්ණ ගැටලූ සොයා බැලීම හා ඒවාට විසඳුම් සෙවීමට මහන්සි වීම පිළිබඳ අපගේ ප්රශංසාව පල කරමු. ඒ සඳහා ඔබට ඇති අයිතියට අප ගරු කරමු. එමෙන්ම ඔබ ගන්නා ක්රියාමාර්ග සඳහා අවශ්ය සහයෝගය ලබා දීමටද අප නොපැකිලෙමු.
එහෙත් ඔබ පල කර තිබෙන දැන්වීමේ ඇති සමහර ක්රියාමාර්ග ප්රශ්ණකාරී බව අපට හැගේ. ඊට අනුව ඔබ ඉතාලියට පැමිණෙන්නෙම ලාංකිකයින්ට තිබෙන තානාපති සේවා ගැටලූ පිළිබඳ සාකච්ඡා කිරීමට බවත් සියලූ නගර වෙත යන්නේද එම ගැටලූ සාකච්ඡා කරීමටම බවත් හැගේ. අපගේ අවබෝධයේ හැටියට ලංකා රජයත් විදේශ කටයුතු අමාත්යංශයත් ඇමතිවරු රොත්තත් හිටපු හා නව තානාපති ඇතුලූ එහි නිළධාරීන් සියල්ලත් ප්රශ්න සහ ගැටලූ හොඳින්ම දන්නා බව අප විශ්වාස කරමු.
එම නිසා දඹුලූ යන ගමන් තල ගොයි මරන්නේ නැතිව මෙම කාරණා දෙක වෙන්කර ඔබේ දේශපාලන ප්රචාරක කටයුතු වෙනමත් තානාපති ගැටලූ විසඳීමට කෙරෙන මැදිහත්වීම වෙනමත් සිදු කර ඔබේ ගෞරවය රැකගන්නට කටයුතු කරන ලෙසට ඉල්ලා සිටිමු.
එසේ නොවන්නේ නම් අප උත්සහ කරන තානාපති සේවයට දේශපාලන ඇගිලි ගැසීම් අවම කරගැනීමේ උත්සහය වෙනස් මුහුණුවරකින් නැවත කරළියට එනු ඇත. එහි යම් ඉගි මේ වන විටත් දකින්නට ඇති හෙයින් ඉතා ගෞරවයෙන් මේ ඉල්ලීම කරන බව සටහන් තබමු.
තවදුරටත් මජර දේශපාලන ගැටවලට හසුනොවී තම අයිතීන් හා වගකීම් පිළිබඳ බුද්ධිමත් ලෙස සිතා කටයුතු කරන ලෙසට ලාංකීය ජනයාගෙන් ඉල්ලා සිටිමු. එසේ නොවේනම් අප නැවත නැවත රැ වැටුනු වලේම දවල්ද වැටෙමින් අදෝනා තබමු.
දැන් ඒ යුගය අවසන් කිරීමට කාලයයි.''
