මෙය අනුපාතයක් ලෙස ගත් කළ සෑම ගැහැණු ළමුන් දස දෙනෙකුගෙන් එක් අයෙකුට ලිංගික බලහත්කාරකමක් සිදු වී ඇති බව ඉහත කී වාර්තාවේ දක්වා තිබේ.
යුනිසෙෆ් ආයතනය විසින් කරන ලද සමීක්ෂණ වාර්තාවේ තවදුරටත් සඳහන් වෙන්නේ 2012 වසරේ පමණක් ලොව පුරා ළමුන් අනූ පන්දහසක් ඝාතනය කර ඇති බවයි.
ඉන් වැඩි ප්‍රතිශතය අයත් වන්නේ දකුණු ඇමරිකානු සහ කැරිබියානු රටවලටයි.
ලංකාව
වයස අවුරුදු දහතුනත් පහළොවත් අතර ශ්‍රී ලාංකික සිසුන්ගෙන් සියයට පනහකට ආසන්න ප්‍රමාණයක් එක් වතාවක් හෝ පහර කෑමකට ලක් වී ඇති බව ද යුනිසෙෆ් සංවිධානය නිකුත් කළ වාර්තාවේ දැක්වෙයි.
මේ සම්බන්ධයෙන් ඉහල ම ප්‍රතිශතය වන සියයට හැට වාර්තා වී ඇත්තේ ඝානා රාජ්‍යයෙන් වන අතර එම ලැයිස්තුවේ හත් වැනි ස්ථානය ශ්‍රී ලංකාවට හිමි වී තිබේ.
ශාරීරික දඬුවම්
යුනිසෙෆ් ආයතනයේ ශ්‍රී ලංකා ශාඛාවෙන් කළ විමසීමකදී වෛද්‍ය හේමමාල් ජයවර්ධන මහතා කියා සිටියේ වැඩිහිටියන් ළමුන්ට ශාරීරික දඬුවම් ලබා දීම තුලින් අනාගත පරපුරද ප්‍රචණ්ඩකාරී විය හැකි බවයි.
‘ළමයි කියන්නේ ඉරි ඇඳපු හිස් පොතක් වගේ. වැඩිහිටියන් තමයි ඒ පොත ලියන්නේ. ළමුන් හදා වඩා ගැනීම පිළිබඳව දෙමාපියන්ට නිසි අධ්‍යාපනයක් ලබා දීමේ වැඩපිළිවෙලක් සම්පාදනය විය යුතුව තියෙනවා.’ යුනිසෙෆ් ආයතනයේ වෛද්‍ය හේමමාල් ජයවර්ධන මහතා පැවසීය.
ළමුන්ට එරෙහි ප්‍රචණ්ඩත්වය පිළිබඳ ඉහත කී වාර්තාව එක්සත් ජාතීන් නිකුත් කර ඇත්තේ යුනිසෙෆ් ආයතනය විසින් රටවල් එකසිය අනූවක කරන ලද සමීක්ෂණයක දත්ත රැස් කරමිනි.
(සංදේශය)
