ඊයේ මේ නඩුව කැඳ වු අවස්ථාවේ දී නඩුවේ තෙවන සාක්ෂිකරුවන ලුතිනන් කර්නල් එල්. පි. ආර්. ප්‍රේමලාල් මහතා ගේ කටඋත්තරවල පිටපත් විත්තියට ලැබී නොමැති බව විත්තිය වෙනුවෙන් පෙනී සිටි නීතිඥ සාලිය පීරිස් මහතා අධිකරණට දන්වා සිටියේය.
මේ අනුව එම පිටපත් විත්තියට ලබා දෙන ලෙසට මහාධිකරණ විනිසුරුවරිය නියෝග කළාය.
සේනක හරිප්‍රිය දෙවැනි විත්තිකරුගේ විදේශ ගමන් බලපත්‍රය මාසයක කාලයකට මුදා හරින ලෙසද විනිසුරුවරිය දන්වා සිටියාය.
යුද හමුදාව හැරගිය සෙබළුන් දස දෙනකුට නවාතැන් පහසුකම් සපයමින් ඔවුන් ශ්‍රි ලංකා රජරජය කෙරෙහි පවතින රාජ පාක්ෂික භාවයෙන් ඉවත් කිරීමට කුමන්ත්‍රණය කිරීම යන චෝදනාව යටතේ සරත් පොන්සේකා මහතාට හා හරිප්‍රිය මහතාට එරෙහිව නීතිපතිවරයා මේ නඩුව පවරා තිබිණි.
පැමිණිල්ල වෙනුවෙන් රජයේ නීතිඥ මාධව තෙන්නකෝන් මහතා සමඟ රජයේ නීතිඥ නයෝමි වික්‍රමසේකර මෙනවිය පෙනී සිටියහ.
විත්තිය වෙනුවෙන් නීතිඥ සාලිය පීරිස් , නීතිඥ උපුල් ජයසුරිය, රුක්ෂාන් නානායක්කාර මහත්වරු ඇතුළු පිරිසක් පෙනී සිටියහ. නඩුව නොවැම්බර් 5 දින යළි කැදවීමට නියමිතය.
