ඔහු මේ බව සදහන් කොට සිටියේ ඊයේ (03)කොළඹදී පැවැති මාධ්‍ය හමුවකට එක්වෙමිනි.මෙහිදී වැඩි දුරටත් අදහස් දක්වමින් තිස්ස අත්තනායක මහතා පවසා සිටියේ ආර්ටික සංගණනයකට යයි පවසා රාජ්‍ය නිලධාරීන් ඌවට යැවීම තුළ රජයේ අපේක්ෂාව වන්නේ මැතිවරණ ප‍්‍රචාරණයක් සිදු කිරීම බවයි.
''අපි ඒ සදහා විරෝධය පළ කර සිටිනවා. අපි එය මැතිවරණ කොමසාරිස්තුමාටත් දැනුම් දුන්නා. ඒ වෙනුවෙන් පැමිණිල්ලක් මානව හිමිකම් කොමිසන් සභාවට ඉදිරිපත් කිරීමටද අපි සූදානම්. ඌවේ දිළිදුකම මැඩලීමට කි‍්‍රයාමාර්ග නොගෙන දැන් දේශපාලන කි‍්‍රයාදාමයන් හරහා ජනතාව රැවටීමට ආණ්ඩුව යත්න දරමින් සිටිනවා.කලින් වතාවේ ලංකාවට තෙල් නිධියක් ඇති බව පවසා ජනතාව රැවටූ ජනාධිපත්වරයා දැන් මුහුදු ජලය පිරිසිදු කර බීමට දෙන බවට මුසා පවසනවා. මෙය හදෙන් හාල් ගෙන එනවා බදු කතාවක් පසුගිය දා මොණරාගල දිස්ති‍්‍රක් ලේඛම් කාර්යාලය විවෘත කිරීම ජනාධිපතිවරයා අතින් සිදුවිය. එහිදී දේශපාලනය කතා කරනවා.එය මැතිවරණ වාසි තකා අයුතු ලෙස නිල බලය යොදා ගැනීමක්''
මෙරට පවතින මැතිවරණ ක‍්‍රම‍යේ පවතින දුර්වලතා පිළිබදවද ඔහු පැවසුවේය. පවතින මැතිවරණ ක‍්‍රමය හරහා සිදුවන්නේ මහජන මුදල් නාස්තියකි.එමෙන්ම කඩින් කඩ ඡන්ද පැවැත්වීමද ඒ සදහා හේතුවකි.ඡන්ද ගණන කිරීමේදී සිදුවන කාලය,ධනය,ශ‍්‍රමය නාස්තිය වලකා ඉලෙක්ට්‍රොනික් ඡන්ද ක‍්‍රමය හදුන්වා දීම වැදගත් පියවරක් ලෙස ගත හැකියි. එය ඉන්දියාවේ පවා කි‍්‍රයාවට නංවන්නකි.ඡන්ද පොළේ දීම ඡන්දය ගණන් කිරීමේ ක‍්‍රමවේදයකට යාමේ වැදගත්කම ද ඔහු පෙන්වා දුන්නේය.
අමාත්‍යවරයා ඌවේ ජනතාවගෙන් ඉල්ලා සිවියේ මේ රටේ අනාගතය උදෙසා තීරණයක් ගන්නා ලෙසයි. දේශපාලන පෙරලියක් උදෙසා තම මතය ප්රකාශ කිරීමට එජාපය සමග එක් වන ලෙස ඔහු ආයාචනා කළේය.
එජාප යේ 68 වන සංවත්සරය සැප්තැම්බර් 06 වන දින පැවැත්වීමට නියමිතය. පක්ෂ මූලස්ථානයේ දී පවත්වන එම අවස්ථාවට පස්වරු 2.00 ට ඒ සදහා සහභාගි වන ලෙස තිස්ස අත්තනායක මහතා විවෘත ආරාධනාවක් ඉදිරිපත් කරයි.
ඌව මැතිවරණයද ඉලක්ක කර ප‍්‍රසිද්ධ රැස්වීමක් ලෙස එම උත්සවය පවැත්වීමට නියමිතය.
