ව්‍යාපෘතිය සඳහා සියලු අනුමැතිය ලබාගෙන ඇති අතර, කැනේඩියානු ආයෝජකයෙකු වන කැනඩාවේ MagickWoods Group සහ Lanka Institute of Information Technology (SLIIT) මෙම ව්‍යාපෘතිය සිදු කරයි.
මෙම ආයෝජන යෝජනාවට අනුව මුළු ආයෝජනය ඇමෙරිකානු ඩොලර් මිලියන 50ක් වන අතර ඉන් ඇමෙරිකානු ඩොලර් මිලියන 25ක් සෘජු විදේශ ආයෝජන වේ.
දකුණේ ව්‍යාපෘති සංවර්ධනය කෙරෙහි අවධානය යොමු කරන අතරම උතුරට ද ආයෝජන ගෙන ඒම කෙරෙහි නාගරික සංවර්ධන අධිකාරිය අවධානය යොමු කර ඇති බවත්, හේරත් මහතා පවසයි. එසේම අත්හැර දැමූ රාජ්‍ය වත්කම් නිසි ලෙස ප්‍රයෝජනයට ගැනීම සිදුකරන බවත් ඒ අනුව වසර කිහිපයකට පෙර යාපනයේ ඉදිකරන ලද අතහැර දැමූ ජනාධිපති මන්දිරය ද මෙම විශ්ව විද්‍යාල ව්‍යාපෘතිය සඳහා භාවිතා කිරීම සිදුවේ.
යෝජිත විශ්වවිද්‍යාලය හරහා ජාත්‍යන්තර මට්ටමේ අධ්‍යාපනයක් ලබාදීමට මෙම ව්‍යාපෘතිය උතුරේ තරුණ තරුණියන්ට විශාල වෙනසක් වනු ඇති බවත්, කන්කසන්තුරේ අනාගතයට සූදානම් (future-ready university) විශ්වවිද්‍යාලයක් සහ තොරතුරු තාක්ෂණ උද්‍යානයක් (Information Technology park )ඉදිකිරීම මෙහි අරමුණ බවද ඔහු පෙන්වා දෙයි.
එසේම හේරත් මහතා පමසා සිටින්නේ මෙම ව්‍යාපෘතිය මගින් දෙමළ ඩයස්පෝරාවට උතුර ආයෝජන සඳහා විවෘත බවට සාධනීය සංඥාවක් ද ලබා දෙන බවයි.
