කෑගල්ල දිස්ත්‍රික් ලේකම් ජේ.එම්.ආර්.පී ජයසිංහ මහතා පැවසුවේ, එම මාර්ගයේ අවදානම් සහිත ගල් සහ ගස් ඉවත් කිරීම වෙනුවෙන් එලෙස අද දවසේ අවස්ථා කිහිපයකදී මාර්ගය වසා තබන බවයි.
කොළඹ - නුවර මාර්ගයේ පහළ කඩුගන්නාවෙන් වසා තැබෙන කාලය තුළ භාවිත කළ යුතු විකල්ප මාර්ග මොනවාද..?
කොළඹ සිට පැමිණෙන විට අධිවේගී මාර්ගය භාවිතා කර කුරුණෑගල ගලගෙදර හරහා ද,
මාවනැල්ල හරහා හෙම්මාතගම ගම්පොළ මාර්ගයෙන් ,
කරඩුපොන හන්දියෙන් රඹුකන දෙසට ,
මාවනැල්ල නගරයෙන් රඹුකන හන්දියෙන් ගලගෙදර දෙසට ,
නුවර සිට පැමිණෙන අය පේරාදෙණිය හරහා ගම්පොළ මාර්ගයද
කඩුගන්නාව ගම්පොළ මාර්ගයද භාවිතා කළ හැකිය .
මාර්ග වසා තබන්නේ මාවනැල්ල නගරයෙන් හා කඩුගන්නාව පොලිසිය ආසන්නයෙන් බවත් දිස්ත්‍රික් ලේකම් සඳහන් කළේ ය.
-P.M
