ඒ අනුව ගම්පහ අධ්‍යාපන කලාපයේ පාසල් 24, කැලණිය කලාපයේ පාසල් 14 ක්, මීගමුව කලාපයේ පාසලක්,හොරණ කලාපයේ පාසල් 21 ක්, මතුගම කලාපයේ පාසල් 9 ක් තවදුරටත් වසා දැමෙනු ඇති.
කොටිකාවත්ත සහ කෙළොන්නාව අධ්‍යාපන කලාපවල පාසල් හා සුරක්ෂිතතා මධ්‍යස්ථාන ක්‍රියාත්මක වන පාසල් අද දිනයේත් වසා තැබෙන බව, බස්නාහිර පළාත් ආණ්ඩුකාර මාෂල් ඔෆ් ද එයාර් ෆෝස් රොෂාන් ගුණතිලක මහතා පවසයි.
කෙසේ වෙතත් කොළඹ සහ පිළියන්දල කලාපයේ පාසල් අද දිනයේ විවෘතව තැබෙන බව සඳහන් ය.
මේ අතර, ගාල්ල සහ මාතර දිස්ත්‍රික්කවල පාසල් අද යළි විවෘත කරන බව, දකුණු පළාත් අධ්‍යාපන කාර්යාලය පවසයි.
රත්නපුර අධ්‍යාපන කලාපයේ රත්නපුර කුරුවිට හා ඇහැළියගොඩ කොට්ඨාසවලට අයත් සියලුම පාසල් සඳහා අද දිනයේත් නිවාඩු ලබා දී තිබේ.
නිවිතිගල අධ්‍යාපන කාර්යාලයේ ඇලපාත හා අයගම කොට්ඨාසවලට අයත් සියලුම පාසල් අද වසා තැබෙනු ඇති.
සෙසු පාසල් හෙට යළි ආරම්භ වන බව, සබරගමුව පළාත් අධ්‍යාපන ලේකම්වරයා සඳහන් කළේ ය.
-P.M
