මේ අතර ගංඟා වල ජල මට්ටම් තරමක් පහළ යමින් පවතින බව, වාරිමාර්ග දෙපාර්තමේන්තුව පවසයි.
එහෙත්, කැලණි, කළු සහ නිල්වලා ගංඟා මෙන්ම අත්තනගලු ඔය ඇතැම් ප්‍රදේශ වලින් තවදුරටත් අවදානම් ය.
එම හේතුවෙන් දිස්ත්‍රික්ක 7කට නිකුත් කළ නායයෑමේ අනතුරු ඇඟවීම, තවදුරටත් බලාත්මකයි.
කොළඹ, ගම්පහ, කළුතර, මහනුවර, කෑගල්ල, නුවරඑළිය සහ රත්නපුර, එම දිස්ත්‍රික්ක වෙයි.
මේ අතර අධික වැසි හේතුවෙන් පීඩාවට පත් පුද්ගලයින් 1694 දෙනෙකු ආරක්ෂිත ස්ථාන 13 ක රඳවා ඇතැයි ආපදා කළමනාකරණ මධ්‍යස්ථානය පවසයි.
එහි අධ්‍යක්ෂ, ප්‍රදීප් කොඩිප්පිලි මහතා සඳහන් කළේ, වර්ෂාවෙන් ප්‍රාදේශීය ලේකම් කොට්ඨාස 176 ක පුද්ගලයින් 43,428 දෙනෙකු පීඩාවට පත්ව ඇති බවයි.
වැසි සහිත අවස්ථාවලදි ගස් යට රැඳී සිටීමෙන් සහ ගස් යට වාහන නතර කිරීමෙන් වළකින්නැයි ද ඔහු ජනතාවට දැනුම් දෙයි.
-P.M
