ඒ අනුව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක අදාළ නිලධාරීන්ට උපදෙස්දී තිබෙන්නේ වර්ෂාව ලැබීමත් සමග දිවයින පුරා ඩෙංගු ව්‍යාප්ත වීමේ අවදානමක් පවතින හෙයින් එම අවදානම අවම කරගැනීම සඳහා කඩිනම් පියවර ගන්නා ලෙසයි.
මැයි 26 සිට ජුනි 01 දක්වා ක්‍රියාත්මක වන ඩෙංගු මර්දන සතිය තුළ අධ්‍යාපන අමාත්‍යාංශය හරහා පාසල් දරුවන් සහ දෙමාපියන්දැනුවත් කිරීමට විශේෂ දැනුවත් කිරීමේ වැඩපිළිවෙළක් ද සකස් කර ඇත.
මීට අමතරව රාජ්‍ය ආයතන, ආගමික ස්ථාන, සහ නව ගොඩැගිලි ආශ්‍රිතව ඩෙංගු ව්‍යාප්තවීමේ අවදානම අඩු කිරීම සඳහා කටයුතු කරන ලෙස බලධාරීන්ට උපදෙස් ලබා දුන් සාගල රත්නායක මෙම වැඩපිළිවෙළට අනුගත නොවන පිරිස් සඳහා නීතිය ක්‍රියාත්මක කරන ලෙසද අදාළ අංශ දැනුවත් කිරීමට පියවරගෙන ඇත.
මැයි මාසයේ මේ දක්වා කාලය තුළ ඩෙංගු රෝගීන් එක්දහස් අටසිය දාසයදෙනකු වාර්තා වී ඇති අතර මරණ නවයක් සිදුව ඇති බව ජාතික ඩෙංගු මර්දන ඒකකය සඳහන් කරයි.
- අරුණ
