ඒ කෘෂිකර්ම හා වැවිලි කර්මාන්ත ඇමැති මහින්ද අමරවීරට එවන ලද ලෝහමය විශේෂිත ත්‍යාගයයි.
එය විදේශ කටයුතු අමාත්‍යාංශය විසින් ඇමැතිවරයාට ඊයේ (20 වැනිදා) භාරදී ඇති අතර ජනාධිපතිවරයා හෙලිකොප්ටර් අනතුරින් මියගිය බව නිල වශයෙන් ප්‍රකාශ කෙරුණු ඊයේ (20 වැනිදා) දිනයේදීම ඇමැතිවරයාට අදාළ ත්‍යාගය ලැබීම ද විශේෂත්වයකි.
ඉරාන ජනාධිපතිවරයා උමාඔය ජල විදුලි ව්‍යාපෘතිය විවෘත කිරීමට මෙරටට පැමිණි අවස්ථාවේදී, ඉරාන ජනාධිපතිවරයා ඇමැති මහින්ද අමරවීරට එරට සංචාරයක් සඳහා පැමිණෙන ලෙස ඇරයුමක් ද කර තිබේ.
ඒ අනුව, ඇමැතිවරයා පසුගියදා ඉරානයේ සංචාරයක නිරත විය. එම සංචාරයෙන් පසුව ඉරාන ජනාධිපතිවරයා විසින් ඇමැතිවරයාට ලෝහමය විශේෂිත ත්‍යාගයක් එවා තිබිණි.
එමෙන්ම, ඉරාන ජනාධිපතිවරයා මෙරටට පැමිණි අවස්ථාවේ පරිවාර ඇමැතිවරයා ලෙස කටයුතු කරනු ලැබුවේ ද මහින්ද අමරවීරය.
