එම අවස්ථාව මඟ හැර, ආර්ථික යහපත් වු අද දවසේ පදනම් විරහිත විවේචන එල්ල කිරීම හෙළා දකින බවයි මුදල් අමාත්‍යාංශයේ පැවති මාධ්‍ය හමුවකදී රාජ්‍ය අමාත්‍යවරයා තවදුරටත් ප්‍රකාශ කළේ.
පැහැදිලිවම කිව යුතුයි රජයේ වැඩ පිළිවෙලට විරුද්ධව කතා කරන සියලු දේශපාලන නායකයන්ට මීට අවුරුදු දෙකකට කලින් අවස්ථාව තිබුණා. ඔවුන්ට මේ වගකීම භාර අරගෙන මේ මට්ටමට රට ගොඩනැගීමේ භාරදූර්ය කාර්යය ඉදිරියට කරගෙන යන්න තිබුණා.
නමුත් එදා ඒ වගකිම්වලින් පැනල ගිහිල්ලා ඒ වගකීම් වලින් මග ඇරලා අද ආර්ථිකය ස්ථාවර වුණාට පස්සේ ඒ සම්බන්ධයෙන් විවේචන එල්ල කිරීම සාධාරණ නැහැ.
බොහෝ වෙලාවට විපක්ෂ නායකතුමාගේ අදහස තමයි රටේ ආර්ථිකය සංකෝචනය වෙලා තියෙනවා කියලා.
2023 අවසාන කාර්තුවේ 4. 5 %ක ආර්ථික වර්ධනයක් වෙලා තියෙනවා. එතුමා එදා රට භාර ගත්තා නම් ඒක කරන්න පුලුවන් වේවිද කියල එතුමාට කල්පනා කරන්න වෙනවා.
මොකද මේ දක්වා ආපු ගමන් මගට සම්පූර්ණම විරුද්ධව කටයුතු කරලා, මේ අවුරුදු දෙකක කාලය තුළ රටේ බරපතළ අර්බුදය පැත්තක තියලා, තමන්ගේ දේශපාලනය වෙනුවෙන්ම විතරක් පෙනී ඉදලා, විවේචනාත්මකව කතා කරන්න විතරයි විපක්ෂයට පුලුවන් වුණේ. ඒ නිසා විපක්ෂයට ආර්ථිකමය වශයෙන් දැක්මක් සහ වැඩපිළිවෙලක් නෑ කියලා මම කියනවා.
